Arrangement

Kulturkveld

Husbandet fra kulturkvelden 2021 Arne Hernæs

Den kommunale kulturkvelden i Sør-Fron blir arrangert annankvart år i månadsskiftet januar/februar i samband med utdeling av kulturprisen. 

Programmet plar vera eit utval av kulturbygda Sør-Fron sitt rike kulturliv.

Høgdepunktet er utdelinga av kulturprisen

Kulturprisen for Sør-Fron

Vikingdag

Viking for en dag.

Vikingdagane blir arrangert årleg i midten av september. Vikingdagen blir arrangert på Dale-Gudbrands gard og er ein ope dag der alle er velkomne. Her kan du oppleve ein dag i vikingtida, vere med på handverkstradisjonar, vere tilskuar til vikingkamp og kle deg ut som ein viking sjølv.

Sør-Fron kommune er arrangør, og den opne dagen blir arrangert i samband med vikingdag for alle sjetteklassingar i Midt-Gudbrandsdalen og Sel. 

Heimesida til Vikingdagen

Peer Gynt kulturfestival

Aksel Hennie som Peer Gynt

Kulturfestivalen Peer Gynt blir arrangert årleg i byrjinga av august. Den er eit møte mellom den lokale segnfiguren Per og Ibsens Peer. Sidan 1989 har "Peer Gynt" vore spelt ved Gålåvatnet i Sør-Fron. Her er det også kunstgalleri og andre opplevingar. 
 

Heimesida til Peer Gynt

Rondaståk

Rondaståk @gundersenogmeg

Fjellfestivalen Rondaståk har helde det gåande sidan 2014, og blir arrangert kvart år i midten av juni, med konsertar, aktiviteter og tonnevis med hygge frå torsdag til søndag. Publikumet er ei god blanding av tilreisande fjellfolk (som ligg i telt), hyttefolk og lokale.

Sidan 2022 har festivalen helde til på Gålå. 

Heimesida til Rondaståk

Rudi gard

Rudi gard

Historiske og høgst levande Rudi Gard ligg idyllisk og inviterande til i solhellinga midt i eventyrlege Gudbrandsdalen. Vertskapet Nina og Øystein Rudi byr i lag med ei mengd gode hjelparar på ypperleg lokalmat, unike konsert- og serveringslokal, og kulturopplevingar frå øvste hylle i ei atmosfære det går gjetord om mellom både artistar og publikum.

I århundrer har vi dyrka korn på Rudi, og dei tjue siste åra har dei òg satsa på å dyrke gode opplevingar. Visjonen deira er å bidra til at Gudbrandsdalen blir betre og meir interessant for oss som bur her, for hyttefolk og for tilreisande.

Heimesida til Rudi gard

Harpefoss hotell

Harpefoss hotell Harpefoss hotell

Harpefoss kunstarena vart etablert som kunst- og artist-in-residenssenter i 2014. Eit nedlagt jernbanehotell frå slutten av 1800-tallet er i dag arena for utstillingar i driftsbygningane og utandørs, samt gjesterom for kunstnarar.

Harpefoss hotell huser også arrangement, konsertar og festivalar, i tillegg til kunstnarresidens og workshops.
 

Heimesida til Harpefoss hotell

Meld frå om arrangement!

For å få med informasjon om arrangement er vi avhengig av at nokon informerer oss om det, så hvis du ynskjer å få med "ditt" arrangement i kulturkalenderen er det fint om vi får melding om dette, gjerne på e-post til kommunen: Trykk på knappen under:

Melding om arrangement

Finn arrangement i Sør-Fron

Under finn du arrangementskalender for Sør-Fron, lenke til Kulturnett Innlandet og lenke til hendingskalenderen på Facebook for Midt-Gudbrandsdalen (her må du søke opp Sør-Fron i søkefeltet). 

Arrangement i Sør-Fron

Kulturnett Innlandet

Hendingskalender Facebook