Tilskotsordninga blir forvalta av Bufdir og rettar seg mot barn og unge som av ulike grunnar står i fare for å hamne i utanforskap. Midlane kan nyttast til mellom anna opne møteplassar, ferie- og fritidsaktivitetar, sommarjobbar og andre tiltak som styrkjer deltaking i lokalsamfunnet.
Målgruppa er barn og unge frå 0 til 24 år som står i fare for å bli ståande utanfor sosiale fellesskap, fritidsaktivitetar, utdanning eller arbeidsliv. Ordninga skal bidra til at fleire får høve til å delta i kultur-, organisasjons- og samfunnsliv.
Sør-Fron er med i ordninga
Sør-Fron kommune er registrert som deltakarkommune i ordninga. Det betyr at lokale lag og organisasjonar kan søkje om tilskot til prosjekt og aktivitetar som er i tråd med føremålet for ordninga.
Meir informasjon om ordninga og elektronisk søknadsskjema finn du på nettsidene til Bufdir.
Fakta
- Søknadsfrist: 13. november
- Målgruppe: Barn og unge 0–24 år
- Kven kan søkje: Frivillige organisasjonar og andre aktørar registrerte i Frivilligregisteret
- Føremål: Å førebyggje utanforskap og styrkje deltaking i fritids-, kultur- og samfunnsliv
- Kontaktperson i Sør-Fron kommune: Eivind Lund, e-post: eivind.lund@sor-fron.kommune.no
Endringar frå 2027
Det er gjort fleire endringar i tilskotsordninga frå 2027. Mellom anna kan kommunar og andre offentlege aktørar ikkje lenger søkje gjennom denne ordninga. Deler av midlane er i staden flytta til Kommunalt forebyggingsprogram for barn og unge, som er ei eiga tilskotsordning for kommunane.
Det er også innført strengare krav til søkjarane. Frå 2027 må alle som søkjer vere registrerte i Frivilligregisteret på søknadstidspunktet, og dei må ha vore registrerte i Einingsregisteret og hatt aktivitet i minst to år.